Վանքը Մալաթիոյ

Գրեթէ հասած եմ աւարտին Մալաթիոյ հայ վանքերուն եւ եկեղեցիներուն նուիրուած ուսումնասիրութեանս, երբ անսպասելի առաջարկ մը կը ստանամ հոն տեղ գտած որոշ նիւթեր բաժնեկցիլ այս էջերուն մէջ: Սիրով պիտի կատարեմ խօստումս, ծաւալուն շարքէն դուրս բերելով ուշագրաւ էջեր: Պիտի փորձեմ մանրաշխարհ մը կերտել Մալաթիոյ նշանաւոր Ս. Լուսաւորիչ վանքին եւ քաղաքին անունով կոչուած ձեռագիր Աւետարանին շուրջ: