Պարոնեանի վերբեռնումի պատմութիւնը մեզ կ՚առաջնորդէ յիշողութեան խոր ծալքերը վերանայելու։ Յաճախ չորս, երբեմն ալ աւելի թիւով ընկերներ սովորութիւն դարձուցած էինք կիրակի առաւօտներ մէկտեղուիլ եւ մօտ 10 քմ երթ մը կատարել Վոսփորի ափին։ Այդ երթի ընթացքին շատ անգամ կը զրուցէինք պոլսահայ համայնքային կեանքի նիւթերէն։ Այդ շաբաթ ալ մեր նիւթն էր Օրթագիւղի հայոց եկեղեցւոյ թաղականութեան մղած իրաւական պայքարը։ Թաղականութիւնը դատարանի ճամբով կ'ուզէր վերատիրանալ իր սեփականութիւնը եղած գերեզմանի տարածքին, զոր իւրացնել կը փորձէին պետութեան զինեալ ուժերը։
Գալուստ Կիւլպէնկեան Հիմնարկութիւնը պատասխանատու չէ այս կայքէջի պարունակութեան համար։